Fréttir

Hefur þú góða hugmynd sem þú vilt hrinda í framkvæmd? 

Í mars sl. var undirritað samkomulag um endurreisn Lánatryggingasjóðs kvenna, er var starfræktur milli 1998-2003,  en verkefnið er liður í viðleitni stjórnvalda til að efla atvinnulíf og hvetja til nýsköpunar á Íslandi. 

Samfélagssjóður Landsbankans mun í ár veita nýsköpunarstyrki í fyrsta sinn. Veittir verða 27 styrkir fyrir samtals að fjárhæð 15.000.000 króna. Tekið er á móti umsóknum til 16. september 2011. Veittir verða sjö styrkir að upphæð 1 milljón króna hver og tuttugu styrkir að fjárhæð 400 þúsund krónur hver.

Hjálpaðu öðrum með því að hlúa að sjálfum þér !

Laugardaginn 13. ágúst verður þér gefið tækifæri á að rækta sjálfan þig og aðra í leiðinni.
Ágóðinn af Blómstrandi hamingjudögum rennur til Magnúsar G. Jóhannessonar og fjölskyldu hans en Magnús lamaðist fyrir neðan mitti í vinnuslysi á Sauðárkróki fyrir nær tíu vikum.

 

Samtök frumkvöðlakvenna  halda glæsilega alþjóðlega ráðstefnu, EUWIIN 2011,  í tónlistar- og ráðstefnuhúsinu Hörpu þann 7.-8.september næstkomandi, og er gert ráð fyrir að minnsta kosti 300 manns víðsvegar að úr heiminum. Ráðstefnan átti að vera í maí en frestaðist vegna eldgoss í Grímsvötnum.

 Gay Pride gleðigangan var haldin í Reykjavík á laugardaginn.  Þúsundir manna fylgdust með og samglöddust með samborgurum sínum.  Gleðilagið „ÉG er eins og  ég er...“ hljómaði um bæinn og hvert sem litið var sá maður litskrúðugar fjölskyldur og einstaklinga með bros á vör.  

Dagana 8.-12. ágúst mun FAFU bjóða upp á námskeið í nýsköpun fyrir krakka á aldrinum 9-13 ára. Unnið verður með hugmyndafræði nýsköpunar og börnin aðstoðuð við að greina hugmyndir og tækifæri í nærumhverfi sínu og vinna með þær áfram. 

Námstækni býður upp á þrjú áhugaverð námskeið í ágúst í Reykjavík, Feng Shui, Blómstraðu og Photo reading hraðlestrarnámskeið.

Fyrir nokkru síðan skrifaði ég þessi orð á Facebook síðuna mína sem nefnist Blómstraðu:     
            Hver dagur skiptir miklu máli.
            Sérhver stund skiptir miklu máli.
            Farðu vel með sjálfa/n þig og njóttu lífsins til hins ítrasta. 
           

Föstudaginn 10 júní kl.16.00 verður opnuð önnur hagleikssmiðjan á Íslandi en hagleikssmiðja er fyrirtæki á sviði handverks sem býður gestum að fræðast um sögu handverksins og þróun, hitta fólkið á bak við vörurnar og kynnast hönnuninni og framleiðsluferlinu.