Heiður - seið hún kunni - grunnnámskeið fyrir 21 öldina - Fréttir

Seiður eða sjamanismi hefur verið mikill hluti daglegs lífs, menningar og siða kvenna og karla um allan heim frá örófi alda. Enn er sjamanismi lifandi meðal frumbyggja heimsins, í Ástralíu, Ameríku, Asíu, Afríku og á Norðurhjara Evrópu meðal Sama.
Þörfin fyrir að blása lífi í glóðir þessa lífsforms eð að vakna meðal íbúa vestrænna iðn- og markaðsríkja og þá kemur í ljós að það lifir enn í glóðunum. Ef kafað er í menningararfinn finnum við minni seiðsins bæði í keltneskum og norrænum rótum okkar.

Á námskeiðinu Heiður - seið hún kunni, munum við fræðast lítillega um þann sjamanisma sem er lifandi í dag og sögu hans í menningu okkar sjálfra. Aðaláherslan er þó á þau verkefni sem tengja okkur við náttúruna og veruleikann. Við lærum m.a. um heimana þrjá og vættir þeirra, máttardýr og aðrar hamingjur, förum í draumferðir, sköpum og ræðum saman til að blása lífi í minni völvunnar og vitkans sem í okkur býr, vekja seiðinn úr dvala.

Námskeiðið er haldið í nærandi, spennandi og umvefjandi umhverfi Dalsár í Mosfellsdal.

Tímar; 20. og 27. september og 11. og 12. október kl. 18.00-22.00 alls 16 klst. Verð kr. 25.000. Skráning og nánari upplýsingar í síma 895-3319 og í vanadis@vanadis.is