Atvinnuþróun og nýsköpun í sjávarbyggðum - Fréttir

AVS rannsóknarsjóður í sjávarútvegi kynnir nýjan flokk umsókna þar sem lögð er áhersla á verkefni sem geta
skapað ný störf og verðmæti í sjávarbyggðum landsins. Í þessum umsóknarflokki er lögð áhersla á styttri verkefni sem tengjast t.d. ferðaþjónustu, framboði á sjávarfangi, nýjum vörum eða þjónustu. Mikilvægt er að leggja fram vel rökstuddar og arðvænlegar hugmyndir að verkefnum sem geta aukið fjölbreytni og eflt atvinnu og verðmætasköpun.Hægt er að sækja um styrki sem tengjast matarferðamennsku, hönnun, nýju hráefni, sjálfbærni, uppruna, ferðaþjónustu, vöruþróun, fullvinnslu, vörum í smásölu eða á borð neytenda, nýjar tegundir, smáframleiðsla o.m.fl. Hámarkstími verkefna er 12 mánuðir og skal skila afrakstursskýrslu til sjóðsins við lok verkefnisins.

Hámarksupphæð styrkja er 3 m.kr. og er miðað við að hlutfall styrks af heildarkostnaði verkefnisins verði ekki hærra en 50%. Umsóknafrestur er 1.febrúar 2011 og skal skila umsóknum með rafrænum hætti á netfangið avs@avs.is fyrir kl 17:00 þann dag en einnig skal senda undirritað eintak til rannsóknarsjóðsins.

Allar frekari upplýsingar er að finna á heimasíðu sjóðsins