Úthlutun styrkja til atvinnumála kvenna - Fréttir

Föstudaginn 29.apríl verður styrkjum til atvinnumála kvenna úthlutað en 30.milljónir voru til umráða að þessu sinni.

Ráðgjafanefnd hefur farið yfir umsóknir á undanförnum vikum og munu 42 konur fá úthlutað styrkjum. Óhætt er að segja að fjölbreytni verkefna sé mikil og ljóst að mikill kraftur er í nýsköpun kvenna um þessar mundir.

Úthlutunin fer fram í Víkinni – Sjóminjasafni og mun Guðbjartur Hannesson, velferðarráðherra, afhenda styrkina. Auk þess munu þær Fjóla Björk Karlsdóttir, eigandi Samráðs og Jóna Björg Sætran, markþjálfi og eigandi Námstækni, halda fræðsluerindi fyrir frumkvöðlakonur.  Að lokum verður boðið upp á léttar veitingar.

Listi með nöfnum styrkhafa mun verða aðgengilegur á heimasíðunni eftir úthlutun.