Átak til atvinnusköpunar - Fréttir

Iðnaðarráðuneytið auglýsir nú styrkina „Átak til atvinnusköpunar“ lausa til umsóknar. Átak til atvinnusköpunar veitir styrki til nýsköpunarverkefna og markaðsaðgerða starfandi frumkvöðla og nýsköpunarfyrirtækja.

Markmiðið er að styðja við þróun nýsköpunarhugmynda á fyrri stigum sem hlotið gætu frekari fjármögnaun sjóða og fjárfesta. Ennfremur að styðja við undirbúning og framkvæmd markaðsaðgerða í frumkvöðla- og sprotafyrirtækjum.

Í umsókn þarf eftirfarandi að koma fram:

• Skýr lýsing á verkefni og árangri þess
• Greining á nýnæmi verkefnis
• Greinargóðar kostnaðar- og verkáætlanir
• Ítarleg lýsing á verkþáttum sem sótt er um styrki til.

Styrkir geta numið að hámarki 50% af heildarkostnaði verkefnis en ekki eru veittir styrkir til fjárfestinga s.s. í tækjum og búnaði.

Rafræn umsóknareyðublöð má finna á heimasíðunni www.nmi.is

Nánari upplýsingar og aðstoð má senda á netfangið johanna@nmi.is

Umsóknarfrestur er til og með 22.september og eru umsækjendur hvattir til að bíða ekki til síðasta dags með að sækja um vegna álags á umsóknarkerfi.