Brautargengisnámskeið - Fréttir

Næstu Brautargengisnámskeið hefjast 12.september í Reykjavík og 13.september á Akureyri.
Brautargengisnámskeið eru námskeið fyrir konur sem að hafa viðskiptahugmynd sem þær vilja vinna frekar með.  Þar læra konur um stofnun og rekstur fyrirtækja og að koma hugmynd sinni á framfæri.

Hverjum er námskeiðið ætlað?

Brautargengi er námskeið fyrir konur sem vilja hrinda viðskiptahugmynd í framkvæmd og hefja eigin rekstur og fyrir konur sem eru í atvinnurekstri en vilja auka rekstrarþekkingu sína. Námskeiðið er sérsniðið fyrir konur sem hafa viðskiptahugmynd sem þær vilja hrinda í framkvæmd með nýju eða starfandi fyrirtæki.

Inntökuskilyrði

Meginskilyrði eru að þátttakandi hafi viðskiptahugmynd til að vinna með, sé að hefja rekstur eða sé nú þegar í rekstri og að þátttakandi skuldbindi sig til þess að vinna að gerð viðskiptaáætlunar sinnar í heimavinnu en gera má ráð fyrir að sá þáttur taki amk 10 klst. á viku.

Markmið

• Þátttakendur ljúki við vinnu að eigin viðskiptaáætlun
• Öðlist þekkingu á grundvallaratriðum við stofnun fyrirtækis
• Fái hagnýta þekkingu á þeim þáttum sem lúta að fyrirtækjarekstri s.s. markaðsmálum, fjármálum og stjórnun
• Þátttakendur fái tengsl við atvinnulífið í gegnum fyrirlesara, leiðbeinendur og aðra þátttakendur

Kennslufyrirkomulag

Námskeiðið byggist upp á fyrirlestrum, verkefnavinnu og heimavinnu en þátttakendur fá einnig handleiðslu hjá starfsmönnum Impru.  Brautargengi er 75 tíma námskeið og kennt er einu sinni í viku í 4,5 tíma í senn, samtals í 15 vikur.  
Meðal námsþátta er eftirfarandi:

• Markviss uppbygging þátttakenda
• Stefnumótun
• Stjórnun og starfsmannamál
• Markaðsmál
• Fjármál
• Tölvuvæðing og internetið
• Hagnýt atriði við stofnun og rekstur fyrirtækis

Innifalið 

• Kennsla og leiðsögn
• Námsgögn
• Verkefnamappa
• Kaffi og meðlæti
• Handleiðsla

Nánari upplýsingar og skráning er á heimasíðunni www.nmi.is

Benda má á að ef áhugi er fyrir því að setja upp námskeið úti á landi þá má hafa samband við selma@nmi.is