Máttur kvenna á Bifröst - Fréttir

Háskólinn á Bifröst býður upp á rekstrarnám í fjarnámi fyrir konur sem hafa áhuga á að bæta rekstrarþekkingu sína. Máttur kvenna er 11 vikna námskeið sem hefst með vinnuhelgi á Bifröst. Kennsla fer svo fram í fjarnámi og geta þátttakendur hlustað á fyrirlestra á netinu og unnið verkefni hvenær sem þeim hentar. Náminu lýkur með  vinnuhelgi og formlegri útskrift.

Engar sérstakar forkröfur eru gerðar varðandi fyrra nám. Þátttökugjald er 95.000 kr.

Innifalið í verðinu eru öll námsgögn og 2 vinnuhelgar með gistingu og fæði.  

Næsta námskeið hefst með vinnuhelgi á Bifröst 16.-17. september 2011. Skráning fer fram á heimasíðu skólans www.bifrost.is.

Námsgreinar í Mætti kvenna

• Bókhald I
• Upplýsingatækni
• Markaðs- og sölumál
• Fjármál
• Áætlanagerð

Markmið  

• Efla tengslanet kvenna
• Auka hæfni kvenna í atvinnurekstri
• Auka arðsemi fyrirtækja
• Efla atvinnulíf á landsbyggðinni á þeim sviðum sem líklegust eru til að stuðla að vexti og uppbyggingu
• Skapa fleiri störf
• Snúa vörn í sókn

 Kennslukerfi Háskólans á Bifröst

Fjarnám á Bifröst byggir á kennslukerfi sem heitir MySchool. Það er hægt að nálgast hvar sem er í gegnum Internetið. Í MySchool á hvert námskeið sitt svæði þar sem  fyrirlestar frá kennurum og glærur eru aðgengilegar. Verkefnaskil og endurgjöf frá kennurum fara einnig fram í gegnum kennslukerfið. Nemendur geta með þessum hætti haft vinnu sína á einum stað, yfirfarna með athugasemdum. Á fyrstu vinnuhelginni er nemendum kennt að nota kennslukerfið MyScool sem er mjög notendavænt.

Nánari upplýsingar um Mátt kvenna veitir verkefnastjóri símenntunar, Geirlaug Jóhannsdóttir, í síma 433 3015 eða með tölvupósti: geirlaug@bifrost.is.