Átak til atvinnusköpunar - Fréttir

Nýsköpunarmiðstöð hefur nú úthlutað sextíu umsækjendum styrki úr stuðningsverkefninu Átak til atvinnusköpunar en alls bárust 279 umsóknir. Til umráða voru 52 milljónir og námu styrkupphæðir frá fjögurhundruð þúsund krónum til tveggja milljóna. Sjá má lista yfir úthlutun á heimasíðu Nýsköpunarmiðstöðvar Íslands www.nmi.is  
Styrkirnir eru hluti af styrkáætlun iðnaðarráðuneytis fyrir frumkvöðla- og nýsköpunarfyrirtæki og hefur Nýsköpunarmiðstöð Íslands umsjón með umsóknarferli og úthlutun. Markmiðið er að styðja við þróun nýsköpunarhugmynda á fyrstu stigum auk þess að styðja við undirbúning og framkvæmd markaðsaðgerða í frumkvöðla- og sprotafyrirtækjum. Úthlutað er tvisvar á ári og verður næst auglýst eftir umsóknum í janúar 2012.