Ísland allt árið - Fréttir

Landsbankinn og iðnaðarráðuneytið auglýsa nú eftir umsóknum í þróunarsjóðinn „Ísland allt árið“ en markmið hans er að styðja við lengingu ferðamannatímabilsins og skapa heilsársstörf í greininni. Heildarframlag sjóðsins er 70 milljónir króna sem verður varið til verkefna á þessu og næsta ári.    Markmiðið er að styðja annars vegar við verkefni fyrirtækja sem lengt geta ferðamannatímann á tilteknum svæðum og hins vegar við samstarfsverkefni fyrirtækja.  Í umsókn þarf að setja fram skýrar hugmyndir um þá þjónustu og upplifun sem skila eiga í senn aukinni atvinnu og varanlegum verðmætum.
Skilyrði er að verkefnin komi til framkvæmda innan þriggja ára frá því að styrkur er veittur. Umsóknarfrestur er til 10. janúar 2012 og er gert ráð fyrir að styrkir verði veittir í febrúar.

Finna má nánari upplýsingar  hér.