Vanadís - rætur okkar, draumar og auður - Fréttir

í samstarfi við Atvinnumál kvenna og Frístundasvið Skagafjarðar kynnir örnámskeiðið Lífsins vefur - veröld drauma og goðsagna þann 29.apríl kl.20 - 22 í Húsi frítímans, Sauðárkróki.

Líf okkar er ævintýraferð, þar sem við spinnum örlagaþræðina og vefum lífsvefinn, sjálfsmynd okkar, samskipti og stöðu, í tengslum við umhverfið, í samspili sögu og framtíðardrauma. Þrátt fyrir allar þær ytri breytingar sem hafa orðið á lífi okkar og umhverfi í gegnum aldirnar hefur manneskjan í grunninn ætíð verið sú sama og tilfinningar okkar, tengsl og draumar náskyld þeim sem formæður okkar og -feður áttu sér fyrir þúsundum ára.

Í þessari spunaferð mun Valgerður Bjarnadóttir ferðast um heima menningarsögu, drauma og goðsagna og slást í för með Völvunni og elsta þekkta skáldi heims, hofgyðjunni Enhedúönnu. Hún mun líta við hjá gyðjunum Inönnu, Maríu og Freyju, álfkonum og tröllkonum.

Við munum rýna í drauma næturinnar og fá örlitla innsýn í það hvernig við getum nýtt þennan auð sem býr í rótunum til að styrkja lífsvefinn, efla sjálfsmynd okkar og bæta tengsl og samskipti.

Örnámskeiðið er öllum opið

Þátttökugjald kr. 1000