Ferðamálastofa

Ferðamálastofa fer með framkvæmd ferðamála. Meginverkefni stofunnar eru á sviði stefnumótunar og uppbyggingar, umhverfis- og gæðamála, rannsókna og kannana, vöruþróunar- og nýsköpunar, öryggismála, auk markaðssetningar ferðaþjónustunnar innanlands. Önnur verkefni stofunnar eru útgáfa leyfa, skráning á starfsemi og eftirlit með starfsemi fyrirtækja á sviði ferðamála. Stofan hefur að leiðarljósi gæði, umhverfisvernd, fagmennsku, þjóðhagslega hagkvæmni, menningu þjóðarinnar og neytendavernd. Ýmsir styrkir eru í boði á vegum stofnunarinnar, svo sem til úrbóta á ferðamannastöðum og til uppbyggingar á nýjum ferðamannastöðum.

---